زرعی مصنوعات اور سامان تلاش کریں
Author : Muhammad Afzal Working to advance the whole of Pakistani agriculture that improve profitability, stewardship and quality of life by the use of Technology. Studied at : KTH Royal Institute of Technology, Stockholm Sweden. Co-founder : Nordic Experts AB Sweden Lives in : Stavanger, Norway From : Shorkot, Dist Jhang Pakistan Timestamp: 31 December 2017 08:59 am
زمانہ قدیم سے ہی چاول کو انسانی غذا کا اہم حصہ تصور کیا جاتاہے۔ پاکستان کے باشندوں کی خوراک یو ں تو گندم ہے لیکن چاول بھی یہاں کافی استعمال ہوتاہے۔ یہ فصل ہماری غذائی ضروریات پوری کرنے کے ساتھ ساتھ زرمبادلہ کمانے میں بھی اہم کردار ادارکرتی ہے۔ پاکستان دنیا میں چاول برآمد کرنے والے ممالک میں اہم مقام رکھتاہے۔ دھان کی باقیات کئی صنعتوں کے لئے خام مال مہیا کرتی ہیں۔ مثلاً اس کا چلکا کاغذ اور گتہ سازی کی فیکڑی میں استعمال ہوتاہے۔ چاول کا آٹا بیکری کی مصنوعات اور مٹھائیاں بنا نے میں استعمال ہوتاہے۔ اس کے پاوڈر سے اعلی کوالٹی کا تیل نکالا جاتاہے۔
پنجاب میں گذشتہ پانچ سالوں میں دھان کا زیر کاشت رقبہ، فی ایکڑ اوسط پیداوار اور کل پیداوار کی تفصیلات گوشوارہ نمبر 1 میں دی گئی ہیں۔
مندرجہ بالا اعداد برائے اوسط پیداوار چاول کے لئے درج کئے گئے ہیں۔ دھان کی پیداوار نکالنے کے لئے اس کو 0.6 سے تقسیم کریں۔
گزشتہ سال دھان کی فصل کا مناسب معاوضہ نہ ملنے کی وجہ سے دھان کے رقبہ کی دوسری فصلات (کماد اور مکئی) کی طرف منتقلی۔
دھان کی فصل تمام اقسام کی زمینوں میں کاشت کی جاسکتی ہے۔ سوائے ریتلی زمینوں کے جہاں پانی کھڑانہ رہ سکے۔ زرخیززمینوں کے علاوہ ایسی شور زدہ اور کلر اٹھی زمینوں میں بھی یہ کامیابی سے اگائی جاسکتی ہے جہاں کوئی اور فصل کامیاب نہیں ہوسکتی۔